Тіркеу және отырғызу ережелері

Уақытыңызды, ақшаңызды үнемдеп, тіркеу орнында кезекте тұрмауыңызға болады. Онлайн тегін тіркеліңіз!

Онлайн тіркеу жоспарланған ұшу уақытынан 30 күн* бұрын ашылып, Қазақстан бойынша ішкі рейстерге жоспарланған ұшу уақытынан 40 минут бұрын және халықаралық** рейстерге 60 минут бұрын жабылады. Сіз онлайн-тіркеуден тек біздің сайтымызда немесе мобильді қолданбамызда өте аласыз.

*Қытайға/дан ұшатын рейстерге 72 сағат бұрын, Түркияға/дан ұшатын рейстерге 24 сағат бұрын.

**Халықаралық рейстерге отырғызу талондары жолаушы құжаттары тексерілгеннен кейін әуежайдағы тіркеу бағанында тегін беріледі.

Онлайн тіркеу кезінде жүйе сізге автоматты түрде тегін орын таңдап береді. Сондай-ақ, онлайн тіркеуден өту кезінде қосымша ақы төлеп, өзіңізге ыңғайлы орынды таңдай аласыз. Жолжүкті және басқа да қосымша қызметтерді  сайттан онлайн тіркеуден өткеннен кейін де немесе өткенге дейін де сатып алуға болады, бірақ ұшуға 2 сағат қалғаннанға дейін кешіктірмей сатып алу қажет.

Рейсіңізге отырғызуға шығу есігі (гейт) әуежайдың ақпараттық экранында көрсетіледі.

• "Онлайн тіркеу" немесе "Брондауды өзгерту" бөлімдеріне www.flyarystan.com сайтында өтіп, өзіңіздің жеке мәліметтеріңізді және брондау нөмірін енгізіңіз – алты таңбалы әріптік-сандық код (PNR), сіздің билетіңізде немесе билетті сатып алу туралы электрондық растауда көрсетілген.
• Жүйеде брондауды тексергеннен кейін, онлайн тіркелу үшін жолаушының жеке деректерін/рейсін растау ұсынылады және борт ішіндегі тегін орын автоматты түрде таңдалынады. Егер ұсынылған орын сізді қанағаттандырса, тіркеуді аяқтау үшін "Әрі қарай" түймесін басыңыз. 
• Онлайн тіркеу кезінде қосымша ақы төлеп ыңғайлы орындарды таңдауға да болады. Меңзерді таңдаған орынға апарған кезде оның құны көрсетіледі.
• Брондауыңызда бірнеше жолаушы болса, онлайн-тіркеуден өткенде орын болған жағдайда жүйе бір қатардағы орындарды ұсынады.
• Тіркеу кезеңдерінен өтіп, келесі қадамды таңдап, "Отырғызу талонын галереяға сақтау" түймесін басыңыз. 
• Электрондық әуе билет отырғызу талоны болып табылмайды. Отырғызу талонысыз рейске отыру мүмкін емес.
• Жолжүгіңіз бар болса, жолжүкті рәсімдеу және жолжүк биркасын алу үшін iJan терминалын қолданыңыз (егер терминал әуежайда орнатылмаған болса – baggage drop-off жолжүкті рәсімдеу бағанында). Жолжүкті ішкі рейстерде ұшуға кем дегенде 40 минут қалғанда, ал халықаралық рейстерде кем дегенде 1 сағат қалғанда baggage drop-off жолжүк бағанында тапсыруыңыз керек.
• Онлайн тіркеуден өтіп, бірақ техникалық себеппен отырғызу талонын сақтап/басып шығару мүмкіндігіңіз болмаса, әуежайда ұшуға кем дегенде 40 минут қалғанда iJan терминалы арқылы отырғызу талонын ала аласыз. Ijan терминалдары арқылы отырғызу талонын басып шығару ақылы қызмет болып табылады. Қызмет тарифі - 500 теңге (толығырақ төмендегі "Отырғызу талоны" бетінде таба аласыз). Терминал орнатылмаған болса, тіркеу бағанына келіп, отырғызу талонын ала аласыз. Отырғызу талоны жоқ жолаушылар тасымалдауға қабылданбайды, ал билет күші жойылады.
• Онлайн тіркеуден өтіп, отырғызу талонын алғаннан кейін, ұшуға кем дегенде 30 минут қалғанда, жолаушы отырғызу талонын және жеке басты куәландыратын құжатты көрсетіп, отырғызу қақпасынан өтуі тиісті.
• Ұшып кету күні жеке басты куәландыратын құжаттың жарамдылық мерзімі өтпеген болуы тиіс.
• Жолаушы отырғызуға уақытында келмесе, тасымалдаушы оған жауап бермейді. Жолаушы отырғызуға келмеген жағдайда, жолаушы билетінің күші жойылады.
• Ұшудан бас тартқан жағдайда, жолаушы рейстің жоспарлаған уақытына кем дегенде 2 сағат қалғанда компания сайтында немесе қосымшасында, байланыс орталығы арқылы немесе ұшу әуежайындағы тіркеу бағанында тіркеуден бас тартуы керек. Сіз билетті тіркеуден бас тартқаннан кейін ғана тариф ережелеріне сәйкес қайтарым жасай аласыз немесе ұшу күнін ауыстыра аласыз.
• FlyArystan "А нүктесінен Б нүктесіне" қағидасы бойынша жұмыс істейді. Бұл алдағы тоғысу рейстер жеке бағыт ретінде қарастырылатындығын білдіреді. Мысалы, сіз Атыраудан Ақтөбеге Ақтау арқылы ұшсаңыз, Атыраудан Ақтауға келген кезде, сіз жолжүгіңізді алып, келесі Ақтау-Ақтөбе рейсіне әуекомпанияның тіркеу пунктіне барып, орынды және жүгіңізді қайта тіркеуіңіз қажет. Онлайн тіркелу жағдайында сізге әр бағытқа отырғызу талондарын басып шығарып қою қажет. Жолаушы тоғысу рейстеріне тіркелуге кешігу / тіркеуден өтпеу салдары үшін өзі жауапты болады.

Онлайн-тіркелу төмендегі жолаушы санаттарынан басқа барлық жолаушылар үшін қолжетімді:

• FlyArystan чартер рейстерінің жолаушылары;
• Қосымша орын сатып алған жолаушылар;
• Жетелеушісі жоқ 16 жасқа толмаған балалар.

Келесі санаттағы жолаушылар рейске онлайн тіркеле алады, алайда отырғызу талонын алу үшін әуежайдағы тіркеу бағанына келулері тиіс:

• Электрлік мүгедектер арбасындағы мүмкіндігі шектеулі жолаушылар;
• Жануарларды тасымалдау қызметін сатып алған жолаушылар;
• Қару-жарақ пен оқ-дәрілерді тасымалдаушы жолаушылар;
• Халықаралық рейс жолаушылары;
• апаттық шығу есіктерінің жанындағы орындарға тіркелген жолаушылар.

Тіркеу және «Жүкті рәсімдеу» бағаналары ішкі рейстерге ұшуға 2 сағат қалғанда ашылып, 40 минут қалғанда жабылады; халықаралық рейстерге 3 сағат бұрын ашылып, 60 минут қалғанда жабылады.

Отырғызу талонын басып шығару қызметі тек ішкі рейстерде, iJan киоскілерінде қолжетімді. Қызмет тарифі: 500 KZT.

Рейсіңізге отырғызуға шығу есігі (гейт) әуежайдың ақпараттық экранында көрсетіледі.

Рейсіңізге отырғызуға шығу есігі (гейт) әуежайдың ақпараттық экранында кемінде рейстің ұшу уақытынан 1 сағат бұрын көрсетіледі. Жоспарланған ұшу уақытынан 30 минут бұрын кешіктірмей шығу есігіне келу керек. Дубай Халықаралық Әуежайында хабарландыру тек ұшаққа отырғызу қақпасы (gate) жанында жасалады және басқа аймақтарда естілмеуі мүмкін. Гейт нөмірі ұшуға 1,5 сағат қалғанда таблода көрсетіледі. Отырғызу ұшу уақытына 50 минут қалғанда ақталады, өткізіп алмаңыз!

Халықаралық рейстердің жолаушыларын ұшақ бортына отырғызу кезінде нормадан тыс қол жүгі үшін белгіленген тарифтер бойынша ақы төленген жағдайда, бажсыз сауда дүкендерінен (duty free) сатып алынған өнімді алып өтуге рұқсат етіледі. 1 дана қолжүктің жалпы салмағы 10 кг-нан аспауы тиіс.

• Әуежай кедендік бақылауда және шығу есігінде онлайн тіркелу үшін пайдаланған жол жүру құжаттарын көрсету керек.
• Сізге қажетті жол жүру құжаттарының жетіспеуіне байланысты отырғызудан бас тартылуы мүмкін.
• Егер сіз баламен саяхаттап жүрсеңіз, сіз баланың отырғызу талонын шығу есігінде көрсетуіңіз қажет. Баланың отырғызу талонын FlyArystan әуежайдағы тіркеу парағында жасап шығара аласыз.

Әуежай туралы ақпарат экрандары сізге тіркеуден және қауіпсіздікті бақылауынан өткеннен кейін  қажетті шығу есігін көрсетеді. Егер сіз әуежайдағы тіркелуді пайдалансаңыз, әуежай қызметкерлері қандай шығу есігіне өту керектігі туралы ақпаратты бере алады.

Егер сіз:

• тіркелу рәсімін белгіленген мерзімге дейін толығымен аяқтамасаңыз
• уақытында тіркелу бағандарына немесе шығу есігіне келмесеңіз

сіздің брондауыңыз жойылады және сіз ұшаққа отыра алмайсыз. Сіз төленген билеттің 100% жоғалтып, тарифтің түріне қарамастан ақшаңызды қайтара алмайсыз. Мұндай жағдайларда сіздің шығындарыңыз өтелу үшін сақтандыруды сатып алуды ұсынамыз.

Жолаушыларға тіркелген жолжүкте төмендегі сипаттамаға сәйкес келетін барлық қауіпті заттарды алып жүруге тыйым салынады:

• ұшақ ұшып шығатын, қонатын немесе ұшып өтетін елдің тиісті заңдарына, қағидаларына немесе қаулыларына сәйкес тыйым салынған заттар
• салмағына, өлшеміне немесе кез келген басқа бейстандартты сипаттамаға байланысты алып жүруге жарамайтын заттар
• атыс қаруы, оқ-дәрі және жарылғыш заттар, соның ішінде аңшылық, спорттық мылтықтар және пневматикалық қару 
• оңай тұтанатын заттар
• радиоактивті материалдар мен заттар
• муляж немесе жарылғыш құрылғыларға еліктейтін заттар
• жанар-жағармай материалдарының іздері мен иісі бар бос оттықтар (яғни бұрын жанармай құйылған бензин оттықтары)
• сығылған немесе сұйытылған газ (аэрозольдерді қоса)
• улы немесе жұқпалы заттар
• сығылған немесе сұйылтылған газ (соның ішінде аэрозольдер)
• уландырғыш немесе инфекциялық заттар
• коррозиялық-белсенді заттар
• магнитті, зиянды немесе жағымсыз иісті материалдар және тітіркендіргіш заттар
• литий батареялары бар дабыл беру құрылғылары орнатылған портфельдер, құлыпталатын дипломаттар және чемодандар
• пиротехникалық материалдар
• құрамында көп мөлшерде оттегі бар заттар, мысалы, асқын тотықтар және ағартқыш ұнтақ
• борттағы жолаушылар мен экипаж мүшелерінің қауіпсіздігіне, мүлкіне, өміріне, денсаулығына, дене тиіспеушілігіне қауіп төндіретін заттар
• адам сүйегі
• желімдегіш немесе лак-бояу материалдары
• қосалқы батареялар, пауэр банктер, электронды темекі
• Халықаралық азаматтық авиация ұйымының (ИКАО) Қауіпті жүкті әуемен қауіпсіз жолмен тасымалдау бойынша техникалық нұсқауларында және Халықаралық әуе көлігі қауымдастығының (ИATA) Қауіпті жүкті тасымалдау ережелерінде көрсетілген барлық заттар

Қажет кездерде жолаушы әуежай қауіпсіздік қызметі өкілдерінің барлық сұрақтарына жауап беруге міндетті. Қауіпсіздік қызметінің талаптарын орындамауыңыз салдарынан жолжүгіңіз қабылданбаса, FlyArystan компаниясы осыған байланысты пайда болатын ешбір шығынға жауапты болмайды.

"Жолаушыларға азаматтық әуе кемелерінде тасымалдауға тыйым салынған қауіпті заттардың, сондай-ақ есірткінің барлық түрлерінің тізбесін бекіту туралы" бұйрықпен толығырақ мына сілтеме бойынша таныса аласыз.

• сұйықтықтар сыйымдылығы 100 мл-ден аспайтын контейнерде болуы керек (су және басқа сусындар, сорпалар, сироптар, джемдер, бұқтырылған тағамдар, тұздықтар мен пасталар, тұздықтардағы немесе құрамында көп сұйықтық бар тағамдар, кремдер, лосьондар, косметика мен майлар, парфюмерия, спрейлер, гельдер, соның ішінде шашқа арналған гельдер және душ, қырыну көбігін, дезодоранттарды және басқаларын қоса алғанда, қысымды ыдыстар, пасталар, оның ішінде тіс пастасы, қатты заттары бар сұйықтық қоспалары, тушь, ерін жылтыратқышы)
• қолжүгі заттарына арналған ерекшеліктер (дәрі-дәрмектер, балалар тағамы, ұшу уақытына қажетті мөлшердегі арнайы диеталық қажеттіліктер)
• талаптарға сәйкес келмейтін барлық сұйықтықтарды әуежайдың қауіпсіздік қызметі қарап, тексеру барысында алып қалады. Сондықтан заттарыңызды қолжүкке мұқият салыңыз

Сондай-ақ әуежайдағы немесе әуе кемесінің бортындағы бажсыз сауда дүкендерінен сатып алынған, ұшу кезінде пакеттің мазмұнына қол жеткізуді көзбен шолып сәйкестендіруді қамтамасыз ететін сенімді мөрленген (пломбаланған) пластик пакетке оралған сұйықтықтарға рұқсат етіледі. Алайда, сатып алынған тауарға чек қажет болады, онда бұл сатып алу әуежайдағы бажсыз сауда дүкендерінде немесе сапар күні әуе кемесінің бортында жүргізілгені туралы сенімді растау бар.