Балалар және сәбилермен саяхат

7 күннен асқан, бірақ 2 жасқа толмаған сәбилер қасындағы кәмелет жасқа толған жолаушының алдына отырғызылып, тегін алынып жүре алады немесе сатып алынған бөлек орынға отырғызылып бара алады;

Әуе қауіпсіздігі талаптарына сәйкес әр сәбиге жеке билет рәсімделуі тиіс. Өзіңізге билетті брондау кезінде жаныңызға сәбиді тегін қоса аласыз. Немесе билет алып болған соң мобильді қолданбадағы  «Сапарларым» бөлімінде (әрі қарай «Брондауды өзгерту») қоссаңыз болады. Ұшақтағы бала саны шектеулі болғандықтан, FlyArystan жеке билеті жоқ сәбиді әуе бортына отырғызбауға толықтай құқылы. Назар аударыңыз! Баланы әуежайда рәсімдеу – ақылы. Толық ақпарат осында, «Айыппұлдар мен алымдар» бөлімін таңдаңыз.

Әр FlyArystan әуе кемесі шектеулі сәбилерге арналған мөлшердегі апаттық жабдықтармен (18 құтқару кеудешелер және қауіпсіздік белдіктер) жабдықталған. 2 жасқа дейінгі балаларға берілген әуе билеттерінің негізінде, әуекомпания борттағы рұқсат етілген сәбилер санын бақылай алады.

• Бір ересек жолаушы тек бір сәбині тасымалдай алады.
• Бір қатардың екі жағынан тек 1 сәби ғана отыра алады. Егер бір қатарда бірнеше сәби болса, экипаж мүшелері жолаушылардың орындарын өзгерте алады.
• Жаңа босанған әйелдер мен 7 күнге толмаған нәрестелер тасымалдануға алынбайды.

• Ішкі рейстерде 2 және 14 жас аралығындағы, ал халықаралық рейстерде 2 және 12 жас аралығындағы жолаушылар брондауға балалар ретінде қабылданады.
• Ішкі рейстерінде 15 жасынан, ал халықаралық рейстерінде 12 жасынан бастап балалар ересек жолаушы ретінде қабылдануына байланысты, оларға толық әуебилет сатып алынуы керек (әуебилеттің толық құны төленуі керек)
• 16 жасқа толмаған жолаушылар алдын ала сатып алынған «Жетелеушісі жоқ балалар» деп аталатын қызметісіз жалғыз саяхаттай алмайды.
• Жеке куәлігі бар 16 жастан асқан жолаушылар күндізгі рейстерде жалғыз саяхаттай алады. 16 жастан асқан, бірақ 18 жасқа толмаған балалар "Қазақстан Республикасындағы баланың құқықтары" туралы заңына сәйкес заңды өкілдерінің ертіп жүруінсіз түнгі рейске жалғыз қабылданбайды (23:00 -ден 06:00 -ге дейін).
• Егер бала ересек жолаушымен бірге ұшса, онда:
• Бала бірге сапар шегетін ересек жолаушымен бір брондауда болуы керек.
• Егер билеттер бөлек сатып алынған болса, ересек жолаушы билеттерді сатып алған жерге хабарласып, жүйеде арнайы ескертулер жасай отырып, баланың әуебилетімен байланыстыру керек.

• Жетелеушісі жоқ балалар ретінде 6 жастан 15 жасқа дейінгі ата-анасыз немесе басқа жолаушыға тапсырылмаған балалар ішкі және халықаралық рейстерде тасымалданады.
• Егер ұшу уақыты (ұшып шығу қаланың уақыты бойынша) сағат 23:00-ден таңғы сағат 06:00 уақыт аралығында болса, қосымша қауіпсіздікті қамтамасыз ету мақсатында жетелеушісі жоқ балалар FlyArystan әуекомпаниясының рейстеріне, басқа рейс болмаған жағдайда да, қабылданбайды.
• Жетелеушісі жоқ балалар тек тікелей рейстерде ғана саяхаттай алады.
• Қызметке тапсырыс беру үшін contact.centre@flyarystan.com электронды пошта немесе туристік агенттік арқылы сұранысты ұшар алдында 24 сағаттан кешіктірмей жіберу қажет. Әуекомпания сұранысты растағаннан кейін ғана қызметті белгіленген тарифтер бойынша сатып алуға болады.
• Егер баланың әуебилетін өзгерту қажет болса, «жетелеушісі жоқ бала» қызметі автоматты түрде басқа күнге өзгертілмейді. Ол үшін FlyArystan байланыс орталығының +7 727 331 10 10 нөміріне қоңырау шалып немесе туристік агенттікке хабарласып, «жетелеушісі жоқ бала» тасымалдау қызмет көрсетілетін күнін өзгерту мүмкіндігін растау керек.
• Жетелеушісі жоқ бала келісім/өтініш бланкісін ата-анасы/заңды қамқоршысы толтырып, қол қойғаннан кейін ғана тасымалдануға алынады. Қызмет расталғаннан кейін брондауда көрсетілген байланыс тұлғаның э-поштасына ережелер мен өтінішке сілтеме бар хат жіберіледі. Әуежайға алдын ала толтырылған және басып шығарылған бланкілерді 4 данада алып келу қажет. Өтініште ұшу шығу пунктіне дейін алып жүруге жауапты ересек адам туралы, сондай-ақ бала үшін жауапты болатын және оны ұшып келу пунктіндегі әуежайдан алып кететін ересек адам туралы ақпарат енгізіледі.
• Егер баланы шығу пунктіне жеткізуге жауапты ересек адам осы баланың анасы, әкесі, немесе заңды қамқоршысы болмаса, жауапты адамға баланы тапсыруға оның құқығын растайтын нотариалды түрде расталған ата-анасынан/заңды қамқоршысынан құжаттың тұпнұсқасы және оның жеке куәлігінің тұпнұсқасы болуы керек.
• Жетелеушісі жоқ бала рейске тіркелу үшін ұшуға дейін 2 сағат бұрын әуежайға келуі тиіс, себебі тасымалдау туралы құжаттарды тексеру және толтыру процедурасы көбірек уақыт талап етеді.
• Жетелеушісі жоқ баланы тіркеу бойынша толық ақпаратты осында таба аласыз.

• 5 жасқа дейінгі балаларға арналған бесік арба тіркелген жолжүкте немесе көлемі сай болса қолжүкте тегін тасымалданады.
• Егер жиналмалы бесік арбасының салмағы 10 кг дейін және оның барлық құрамдас бөліктері қолжүгінің өлшеміне сәйкес келсе (56x23x36 см), жолаушы бір жиналмалы бесік арбасын тегін бортқа алып жүре алады.
• Егер бесік арбасы жиналған кезде қолжүгінің өлшемі (56x23x36 см) және 10 кг салмағынан асып кетсе, ол қосымша ақысыз, тасымалдауға тіркелген жолжүк ретінде қабылданады.
• Бесік арбасын жүк ретінде тапсырмас бұрын, жолаушы оның бүктелгенін және құлыпталғанын, сонымен қатар, сынуына, ластануына және т.б. әрекеттерге жол бермеу үшін барлық қажетті шаралар қабылданғанын тексеруі ушін жауапты.
• Жолаушылардың жеке заттары арбада тасымалдауына жатпайды. Егер жолаушылардың керек-жарақтары тіркеусіз нәресте арбасында тасымалданған жағдайлары орын алса, әуекомпания жоғалған жағдайда жауапкершіліктен бас тартады.
• Егер бесік арба жол жүретін нәресте немесе балаға арналмаған болса, ол ақылы жолжүк ретінде тасымалданады.

Егер сізге аспа бесік қажет болса, бірінші қатардан орын сатып алып, рейске кемінде 24 сағат қалғанда special.services@flyarystan.com электрондық поштасы арқылы әуекомпаниядан алдын ала растау алуыңыз қажет. Бесік салмағы 11 кг дейінгі нәрестелерге ғана ұсынылады және оның өлшемі баланың бойына сәйкес келуі тиіс (аспа бесіктің өлшемі: 224 × 750 × 340 мм). Ұшақта екі аспа бесігін ғана қолдануға рұқсат және рейсте бесік саны толған болса, әуекомпания өтінімді қабылдамауға құқылы.

Балаға арналған гамак– жолаушы орындықтары арасындағы кеңістікте баланы орналастыруға арналған кез-келген мата немесе торлы құрылғы Мұндай құрылғыларды ұшудың қай кезінде болмасын пайдалануға қатаң тыйым салынады.

Әуе кемесінің ішкі жабдықтары (үстел, орындық арқасы және бекіту нүктелері) үшін балаға арналған гамак  – қосымша салмақ. Оны пайдалану салон жабдықтарының зақымдауы мүмкін, және көрші жолаушылардың жайлылығы мен қозғалысына кедергі келтіреді. Сондай-ақ турбуленттілік немесе ұшу жағдайлары өзгерген кезде, бала мен басқа жолаушылардың жарақат алу қаупі де бар.

Осы себептерге байланысты балаға арналған гамактарды әуе бортында пайдалануға тыйым салынады.