Шымкент
Алматы мен Шымкент арасындағы ұшу жиілігі аптасына 10 рейсті құрайды – күніне бір рет, дүйсенбі, жұма, жексенбі күндері екі рет ұшады.
Халықаралық әуежай қаладан бар болғаны он километр қашықтықта орналасқан. Ғимараты өте шағын, ішінде қажетті заттардың барлығы бар, дәретхана, анықтама бюросы, бар немесе дүкен сияқты қажетті жерлерді таба алмай адасу мүмкін емес деуге болады.
Ішінде және сыртында түсінікті навигациялық жүйе қарастырылған. Барлық жазулар екі тілде: қазақ және орыс тілдерінде берілген.
Әуежай аумағында заманауи кафе жұмыс істейді, полиция бекеті және ана мен бала бөлмесі бар. Жеке тұрған ғимаратта тамағы дәмді әуежай асханасы орналасқан, онда қолжетімді бағамен тамақтануға болады.
Қоғамдық көлік аялдамасы әуежай ғимаратына қарама-қарсы орналасқан. № 12, 12а және 12б автобустары күнделікті таңғы сағат 6.00-ден бастап кешкі сағат 19.00-ге дейін жүреді. Жүру интервалы шамамен 15-20 минут. Бұдан ерте немесе кеш ұшып келсеңіз, такси шақыруға тура келеді.
Такси жүргізушілерін автобус аялдамасының қасынан табуға болады, олар жолаушыларды тегін көлік тұрағында күтеді. Жеке тасушылар қалаға дейін жеткізуді өздері бірінші болып ұсынуы мүмкін. Жергілікті такси қызметіне қоңырау шалсаңыз, жол жүру ақысы үш есе төмен болады.
Қала климаты қоңыржай, қысқы уақытта орташа температура –2 °C, ал жазғы уақытта шамамен +25 °C құрайды. Метеорологтардың айтуынша, Наурыз айы – ең жаңбырлы ай.
Жергілікті тұрғындар ақкөңілділігімен ерекшеленеді және қала қонақтарының барлық сұрақтарына қуана жауап береді.
Сапарды ұйымдастырған кезде қайту билетін қолжетімді бағамен сатып алуды ұмытпаңыз. Қайту билеттерін FlyArystan сайтынан брондасаңыз, сапарыңыз қолайлы әрі арзан болады.
Сапарыңыз сәтті болсын!
